tvb.com

 
 
   
tvb.com
 
TOP > 最新消息

九月 09


因乜解究周柏豪同張寶兒(Bowie)兩個都瞓在地上,還滿身鮮血?

柏豪BB加盟《使徒行者2》班底,飾演黑幫頭馬樂少鋒。早前他為該劇主題曲〈天網〉拍攝同名音樂微電影兼MV,由Bowie擔任女主角,飾演女友寶兒。拍拖本身當然是sweet到爆,微電影初段,Bowie還跟柏豪玩剃鬚,整蠱他玩花面貓;又去到九龍城參與潑水節,玩到濕晒身,鬼死咁浪漫;不過,好景不常… 至於有幾不常,記得留意將於9月15日big big channel放映的微電影《天網》,只可以提醒各位,買定紙巾,小心喊到七彩。

放閃無極限
故事的開始,要回到二人的熱戀期。熱戀中的情侶總是好傻豬的,即使作出一些好普通,甚至是平常人眼中帶點噁心的舉動,局內人仍然自覺甜蜜,旁若無人。在戲中Bowie同柏豪大放閃光彈,既同柏豪激玩枕頭大戰,又幫柏豪剃鬚,有咁sweet得咁sweet。鏡頭前二人浪漫剃鬚,鏡頭後實質玩到一鑊泡。不過,如果可以幫柏豪BB剃鬚,相信粉絲玩到成身泡都不介意。

失血過多
過分甜蜜總是惹人妒嫉,更惹來編劇對二人下殺令。當二人玩完甜蜜剃鬚,去到九龍城潑水節繼續拍拖放閃時,柏豪同Bowie雙雙遇襲,最後仲一齊手拖手被送院。結果是如何,留待觀眾收睇。劇情固然精采,幕後的拍攝花絮都好好笑,當Bowie身中多刀,倒臥血泊時,有小朋友路過眼見地上「鮮血漿」,以為有命案發生,嚇到哭起來,要現場的工作人員安慰。

如果你已經是tvb.com的會員,登入後便可在此留言。   還未註冊成為tvb.com的會員嗎?
現在立即火速行動!
TVB8金曲榜—2017年度第37週 TVB8金曲榜—2017年度第38週