一副時尚眼鏡，除了可以幫你防UV保護明眸、襯衫扮靚、增加星味、遮掩憔悴或認唔到人時的尷尬，對今屆10位候選港姐的最大吸引力，可能就係呢個︰「時尚目光獎」。

今日中午，10位佳麗再到贊助商在銅鑼灣的分店，就 2009時尚目光獎選舉進行頒獎禮。會上，佳麗們戴上時款太陽眼鏡貓步表演，並接受司儀崔建邦發問與眼鏡有關的問題，上面提到關於時尚眼鏡的百寶功用，都係佢地即場作答，現場妙語連珠，就好似下月港姐決賽問答環節之熱身。

最後，3位評判樂易玲小姐、鄧達智先生及邱李茂琪女士選出8號熊穎詩贏得2009「時尚目光獎」，以及5萬元現金獎。Mizuni知道結果一刻表情驚訝，今次獲獎，可會多謝果位讚佢戴上黑超有影星舒淇味道的朋友有眼光哩。

Mizuni戴上時款太陽眼鏡係咪有d似舒淇呢？

早前眾佳麗在北海道明媚風光下，亦拍下一輯黑超靚相，宜家就被大家開開眼界，快d揀選你心目中至搶眼黑超佳麗啦。