相信大家都好清楚,愛情是兩個人的事。但不知為何在娛樂圈中就會變成大家的事~


前陣子看了小天的新聞,的確驚訝。因為台灣傳媒的報導是指小天跟辣妹開房。當場事件上亦無形容錯誤。的確小天被傳媒影到跟一個女士步入酒店開了一家房間,但裡面發生了什麼事。沒人知…當然之後就大規模追訪小天跟女朋友許瑋甯啦。睇吓會唔會分手等等…


我身為娛樂新聞主播,當然更加留意。但睇睇吓~見到雙方都出嚟講。仍然會視對方為發展對象,會同另一半繼續落去。我個人認為這些說話已經好足夠。因為相信佢地本人已經想整件事Close File。唔好再討論或炒作落去。我亦認為既然兩位當時人都講咗。點解大家唔尊重佢地呢?


係呢個時候,身邊多位女同事就熱烈討論。覺得小天點點點,許瑋甯點點點。我聽完之後就諗,相信小天同許瑋甯身邊都有好多呢類型朋友。會同小天講,你做錯啦,你對唔住許瑋甯啦…等等;而同許瑋甯就講,你點可以原諒佢架,你唔係信佢呀嗎…等等。呢班朋友係講呢的說話既時候究竟出自咩心態呢?想佢地兩個分開?如果你真係佢朋友好應該尊重佢地。而唔係加入太多自己局外人嘅情感。


倒轉咁講。如果你好愛你另一半佢做咗錯事,自己唔一定會唔原諒佢,因為愛是擁有包容係裡面。你究竟包容幾多只有自己知,所以唔應該將自己欠缺包容嘅心態加落朋友身上。要做好朋友應尊重你朋友的決定。你明白嗎??

暫沒回應 » Tagged with:



首先3月9號呢日認真特別,是關是小弟生日。哈哈哈~所以當大家睇緊呢篇文既時候。我係剛食完蛋糕。跟住就人在內地二日一夜遊。哈哈(可以就咁當一篇嗎??)


以我專業既工作態度我係絕對會做埋先去玩既。嘻嘻~今次講既話題基本上我已經答左,是關我同女朋友正在是同居中。所以我完全感受到有幾好同唔好。而且我個人點解會同居,理由就因為我自己住。所以女朋友好自然都會係屋企。相信如果我同屋企人住就真係未必會啦。不過呢次係我第一次同女朋友同居呢~當中我亦學到好多野~我個人認為係考慮結婚前一個不錯既選擇。因為我絕對相信一句叫雖然古人係講緊奶奶同新抱。不過其實亦都講緊男同女。大家都知道男女大不同,由其住埋一齊咩都見真章。佢有幾污穢,有幾麻煩所有嘢都無得瞞。真所謂赤裸裸俾你見晒佢既生活習慣。你諗吓結婚係講緊一生一世。你連同佢住都忍唔到。點可以講一生一世呢??


所以我認為先同居後結婚係好事~當然結婚亦有佢好多好處。因為真係會增進大家之間既感情,同關係唔同晒。千祈唔好以為平時都叫對方做老婆就等於你真係娶左個老婆~絕對係兩回事。因為有了責任。作為一個好男人應該絕對要擁有!嘻嘻~好啦~係時候收筆。


下回再見!see u 2字頭…哈哈哈

共 2 個回應 » Tagged with:

許志安的一首歌 – 何慧愛。突然令我想起呢個話題。何謂愛呢??


今日去剪頭髮既時候,同髮型師傾開計,佢問我︰你幾耐剪一次頭髮?咁我就好自然答佢「三,四個月啦~」佢當然相當驚訝。之後就問我~一直都無乜點修剪過呀?我話係呀,得閒女朋友咪幫我剪吓囉~佢就講左句。呀!你真係好錫你女朋友…


我一聽到呢句嘢既時候,突然諗諗…點解我俾個頭女朋友剪代表我錫佢呢??但再諗深一層,我明白了。本人雖然唔係咩大明星,而且都唔係咩型男,但都叫靠個樣呃飯食。竟然將呢個搵食工具俾女朋友較飛…如果唔係愛女朋友同信女朋友,真係未必敢咁做。


原來愛可以好簡單,唔係要為對方做的咩驚天地既事,亦唔一定要送幾百萬既鑽石(有當然都好啦…)而係將自己完完全全交晒俾對方。呢樣野可以話好易做亦可以話好難做,聽過好多人都會講,覺得被愛係永遠最幸福。真的嗎??事實講俾我知,多數唔係,因為呢個平衡好快就會失去。被愛既人都會覺得辛苦,最後都會分手…

*********************************************************************

許志安 何慧愛


宋美美 愛上了 最富有大律師

鄭大業 沒事業 這過氣男朋友

你好勝 我樸素 注定個性太多差異

能爭吵幾多次


說到了 韋智遠 要養那隻緬甸貓

謝莉莉 便妒忌 最大娛樂就是每晚的爭拗

或者花貓更好 情侶不太可靠


上到苦戀冰山 幸福的處境總會隨年月冷

若分手不算最慘

浪漫過後 是快樂 是失落 還是痛

何故永遠感嘆


@何慧愛 施捨乞丐無回頭也算是愛

 燭光只照現在 明日再 融為大愛

 既已成情侶 可會更加慷慨

 懷緬也是愛 當初講過疾病貧困也願愛 

 對印疤感慨 怎麼戀愛 轟烈過後難恩愛@


說到了 我與你 有過美滿浪漫史

靜靜地 漸漸地 發現沉默後面也有一根刺

大家相戀至此 卻沒法再開始

世界這麼孤單 亦不應該將戀愛淪為習慣

若失戀都要上班

患難過後 是畏懼 是孤獨 無用怕

何故喊破雙眼


REPEAT @@


就是累極肉身怎去放下來

情在腦內那可拆開 為何心境卻會更改


REPEAT @@

暫沒回應 » Tagged with: