tvb.com

 
 
   
tvb.com
 
 

網誌日期:2010.10.25 (一) 3:33PM

大家唔好嚇親,華仔唔係教大家殺人,只係想話畀大家知,殺人戲係點拍。上星期有一集楊秀慧飾演的小莉殺死佢戲中老爺胡楓,刀刀中要害。雖然大家都知道係搵假人替身,但究竟個假人係點架呢?

(按圖播片)

心水清的網友,應該會留意到個假人本身質地都唔軟,究竟拍戲時點樣可以好順咁將把刀插入去呢?大家可以留意下假人心口位置,有塊藍色布,入面包住塊白色布。估到未呢?

網誌日期:2010.10.22 (五) 5:16PM

要大家久等喇!踏入台慶月,華仔最近實在好忙,所以咁耐都未update PA手記,真係抱歉喇!

 

睇返留言,見有網友想了解下心姐,華仔就講下戲外真實的心姐啦。心姐敬業就係人都知,埋位前一定會記好稿,仲揣摩個角色的心情,務求專業一take過。《讀心神探》入面,心姐飾演保怡媽咪,係個好善良的母親,其實佢真人都係咁和善。記得之前有次搵心姐拍宣傳片,要做好多唔同動作,心姐每個動作都做得好仔細,佢覺得唔得就一定請我地再拍過。有時仲會問華仔意見,睇下做得好唔好。心姐係電視圈前輩,當然演得好好啦。而且拍完佢仲會不斷唔該工作人員,佢咁幫得手,華仔唔該佢就真!

 

 

 

網誌日期:2010.10.15 (五) 10:37AM

前晚那集,胡楓飾演的王振宇在山上死去,大批警員上山搜證。原來拍這場戲時,有個大人物剛好行山經過,一眾演員好似見到偶像一樣,捉住這個人合照。佢係邊個?就係周潤發,發哥喇!

 

Bosco平時就係偶像,遇到發哥時,成個小fans咁,大家睇下!