tvb.com

 
 
   
tvb.com
 
 

網誌日期:2011.10.27 (四) 5:00PM

在第十五集的《荃加福祿壽探案》裡, 監製破天荒在同一集裡接連放下三首的經典歌曲, 分別是呂方的《甜蜜十六歲》、 蓓蕾的《我一見你就笑》及及早有出現過的陳潔靈老師和張國榮合唱的《誰令你心痴》。

這三首歌曲相信大家都不大感到陌生, 尤其是陳潔靈老師和哥哥張國榮合唱的《誰令你心痴》, 更是耳熟能詳, 成為經典中的經典的合唱歌。至於《我一見你就笑》, 則早於1965由蓓蕾所唱, 之後更由多位著名女歌星, 例如, 鄧麗君、徐小鳳、薛家燕、馮寶寶, 姚蘇蓉、張琪等等翻唱, 所歡迎的程度可想而知。

若果硬要說一首觀眾可能比較不太熟悉的歌曲, 《甜蜜十六歲》可能是三首經典歌的之一, 《甜蜜十六歲》是一首1985年的歌曲, 出自長崎加代子的手筆, 由林振強填詞, 呂方主唱, 是一首同名電影的主題曲, 是當年紅極一時的歌曲。

想睇番晒荃加福祿壽版既MV就按一按我啦!

網誌日期:2011.10.20 (四) 5:19PM

(按圖去片)

哈囉, 大家好, PA阿恆今次要同大家介紹既歌係叫《鬼新娘》, 係福祿壽尋晚係片場撞到女鬼時唱既歌。呢首歌可以堪稱得上經典啦, 因為呢首歌係1985年當時一套好出名既恐怖片既主題曲, 但係可能大家未必知道個主唱者係邊個喎, 因為我地只會對林正英先生有印象, 如果唔係又點會話每個睇過套戲既觀眾都無話驚驚呀, 再加上呢隻歌既氣氛, 真係嚇親唔少朋友仔。不過, 當然, 今時今日又福祿壽主唱既《鬼新娘》已經變左一首又搞鬼又好笑既歌啦, 睇落仲一D都唔恐怖添。順帶一提, 《鬼新娘》仲入圍左該屆既「最佳電影歌曲獎」候選名單添。

網誌日期:2011.10.14 (五) 1:00PM



大家好, 又係我導賞員阿恆, 唔知大家有無睇到前晚個集《荃加福祿壽探案》呢? 如果有既都知道我跟住落黎會介紹個首祥仔同娥姐唱到擦晒背個首歌。我相信有唔少朋友, 甚至年輕一輩都會聽過呢首歌, 因為呢首金曲近年來已經差不多成為每個婚宴新人敬酒既必備歌曲。

都講話同聚暢飲今晚夜, 敬酒又點少得呢首《今晚夜》呢! 聽就聽得多啦, 但係唔知你地又知唔知呢首咁耳熟能詳既金曲係由邊一位歌手唱架呢? 其實這麼遠那麼近, 呢首歌就係由我地超級巨聲3既評判Miss Chan Chan陳潔靈小姐所唱架, 係唔係唔講唔知呢。《今晚夜》可以稱得上係Miss Chan Chan既經典金曲啦, 因為厲害之處就再於當Miss Chan Chan還未正式唱到入歌詞部份, 淨係唱左個開端既時候, 基本上人人都會認得呢首就係《今晚夜》啦, 你地話犀唔犀利先。

(按圖去片)