tvb.com

 
 
   
tvb.com
 
 

網誌日期:2011.07.27 (三) 4:15PM

琴晚嗰集《真相》,講到洛文扮無辜無可憐,呃哂全世界,好彩天網灰灰,畀大C搵到佢既罪證,大C知道自己畀最心愛既人呃,好傷心呀,仲打左洛文一巴添!果刻完全感受到大C有幾心痛!好多朋友同PA琪琪講,馬明同詩詠既戲進步左好多呀!你地要繼續努力呀!一齊睇番佢地琴晚嗰集既精華片刻啦!

 

(按圖睇片﹞

網誌日期:2011.07.15 (五) 10:30PM

嘩!大大個紅油彈兜頭扑落嚟,搞到成身都係紅油。繼上次琪琪講嘅珊姐墜樓之後,今次到Helen姐「為藝術犧牲」喇!

 

為咗拍呢場戲,Helen喺鬧市淋到成身都係紅油,場戲咁特別,圍住佢嘅除左臨記扮嘅「假街坊」之外,仲有好多真街坊企喺度睇。睇電視睇唔出呢,咁證明佢真係又敬業又專業喇,仲要全程一take過,認真犀利!

 

網誌日期:2011.07.13 (三) 3:42PM

琴晚嗰集《真相》,琪琪好多細膽嘅朋友都同我講,最後嗰幕媚姨跌落樓嚇親。再諗返佢嘅身世,更加覺得佢好可憐。有留意開幕後嘅朋友都知,拍一場墜樓戲好唔容易,因為墜樓戲唔會真係要個演員咁高跌落嚟,所以工作人員一定要就得好好,確保唔會穿崩。另一方面,為咗有逼真效果,個演員唔多唔少都要有少少跌落地嘅動作,雖然唔係由十幾樓跌落嚟,但始終會有啲危險,而且對演員嘅體能都有返咁上下要求。

 

今次「墜樓」嘅係飾演媚姨嘅呂珊,琪琪就搵咗兩張佢拍呢場戲嘅相出嚟,希望大家除咗睇一班主角之餘,都睇到珊姐呢啲實力派演員背後付出嘅努力!