奇哥今日想講三件事。

第一：各位FANS注意，奇哥又收到風，《畢打自己人》故事創作比賽頒獎禮，將會改在26/9下午三點，在荃灣廣場進行，大家記得留意時間地點啦！

第二：講番軍軍離開件事先，對於軍軍與好姐的離開，好多畢打FANS都覺得難過，其實天下無不散之筵席，莫講話軍軍、好姐要離開，大家都應該聽過，外間盛傳《女王辦公室》將在明年接替《畢打自己人》，影響力咪仲大？查實當年既《季節》、《真情》，《皆大歡喜》等等處境喜劇，都係做左幾年，做過千集都有，觀眾感情一樣深厚，但時代總要前進嘛……

第三：好似好多人支持飛刀手，奇哥後日會去探班，如無意外會訪問賞賞同社長、堅姐等，等我同兩位當事人反映下大家既意見啦，同時影D 獨家相及片段比大家^^

TO：LK，查實奇哥唔係唔老實，查實係我接手冇耐，有D 野真係唔知架！

TO：DHS111，包公同堅姐條線，攪到咁完美恩愛，你應該好開心啦！

TO：Wannsee，你真係眼利，咁都睇到少左第185集，相信係版面改變時發生的小問題，我已經加番上去了，多謝你！至於要改番好似以前既pull down模式，我反映下就可以既，但唔敢話一定做得到囉，我都唔係揸lift人……..

TO：GEOFF支持者，BEN同TINA既結局，真係唔易估，你想最後點呢？

今日非常繁忙，不過都抽空上來同大家報料，奇哥收到風，9月26日星期六午後，在奧海城，將會有《畢打自己人》宣傳活動，各位畢打fans記得到場為各演員打氣啦！

TO：小儀，子珊入畢打呢件事，都已經講左兩個月，單料OUT左架啦！

TO：小雪，笑下好架，有冇聽過「周時笑he he，唔駛睇西醫？」笑多d 啦！

TO：mcodyjk，阿軍要走？睇相唔能夠作準咘！

TO：dhs111，放心，會有欣榮花絮的，多謝你咁支持佢地兩個！

TO：offpedderYAN、love_naruto、浪清，多謝你地支持，加埋畢打，呢期真係繁忙呀，唯有唱番首老餅歌，鬼叫你窮呀頂硬上……

見咁多人講昇賞汝三角戀，不如做個小小統計ㄚ，大家鍾意飛刀手，定係馴獸師多D 呢？^^

真係「唔做唔知FANS好，唔接唔知要求高。」

奇哥昨日剛剛寫第一篇PA手記，在沒有賣廣告的情況下，竟然有三十幾個熱烈回應，感激各位支持之餘，又怕有負各位厚望，真係驚喜交雜……

查實小弟才剛接手，需要一點時間去適應及刮料，希望大家比多些少時間我去準備啦！

為左答謝畢打FANS的支持，奇哥先寫點東西送給大家^^

「畢」竟琦姐做得好，「打」造手記功勞高，「自」從奇哥來報到，「己」未功成已辛勞。「人」逢佳劇津津道，「多」添收視樂淘淘，「謝」網友以誠相告，「你」我合演good good show^^

TO：阿光，琦姐離開係因為調職遮，調職係好平常既事，總之能夠相識都係有緣，值得開心架。

TO：ChloeDeng，畢打片頭恐怕未必會換啦，已經播左二百幾集，你諗下本台既處境喜劇，一般可以播幾多集？換一個片頭其實也經過很多步驟，不是輕易換的呢。

TO：芦芦，想睇mo姐既幕后花絮？沒問題，稍後便會有了。

TO：毕打迷、mcodyjk及各位想看狗仔隊的網友，的確會有狗仔隊的片段，你們放心好了。至於眼鏡問題，等我見到祖藍就問下佢啦。

TO：關婉A，好似好多人都想睇番ICY，等我跟進問下先。

TO：doraamy，關於故事創作比賽的相片，我去以去找一找，看看能否找到存貨。

今日答住咁多先啦^^