同陳茵媺及欣宜兩個鬼妹仔合作有時都幾好玩, 佢兩個同聲同氣, 對中文字都識得唔多, 所以佢地會在劇本做好多筆記。基本上大多數演員都會用螢光筆將自己的對白及要注意事項mark住, 睇起來便更清晰。但鬼妹仔除了用螢光筆外, 仲會寫好多拼音, 或者將文字意思以英文寫在旁邊, 讓自己清楚那段文字描述要自己做甚麼。大家看看欣宜同茵媺拿劇本那幾張相就會明白。

上次阿光問有關寫劇本的問題問得好詳細, 我應承過搵料示範給大家看, 今次我都算圖文並茂, 相信阿光的問題在這幾張相中都可以找到答案。

祝英同melomelomelody都希望有多啲子雄的戲份, 呢一點我問過喇, 子雄會在劇中繼續出現, 不過邊集就未知, 我知道一定話埋俾大家知。另外, 關於yoyo 將會出現畢打的傳聞, 我已經向監製求證過, 相信暫時都唔會有。

KKK102, 好多謝你咁體諒, 至於欣欣有沒有認錯我, 咁就梗係無啦, 你咪諗得欣欣咁嚴重啦, 不過無論之前係點, 欣欣現在視力已經矯正, 應該連你地在這兒的留言都可以睇得好清楚(之前欣欣同我講佢唔會開電腦睇觀眾留言, 因為佢睇唔清楚啲字)。

怡妹妹, 我諗起之前TVB.COM的同事拍了一段短片, 內容係因為未齊人, 班演員在閒聊, 嗰段片應該有少芸, 另外, 據我所知, 佢地仲幫少芸拍咗條片, 我試吓問問幾時, 或者會唔會出啦!

木槿, 想寄嘢俾Mo姐, 可以寄來TVB:
九龍將軍澳工業邨駿才街七十七號電視廣播城
TVB藝員部
轉毛舜筠小姐收

茵媺的劇本

欣宜的劇本

麗姐的劇本

祝英,毛姐用的杯是贊助商借出的, 基本上在贊助的咖啡店應該可以買到, 問題是由於畢打自己人推出之後, 經老總一用, 個杯便成了不少觀眾的搜購對象, 所以可能咖啡店都未必有足夠存貨供應, 如果你真的很有興趣, 相信向該店查詢一下是最直接的方法。我搵到張相, 你可以參考吓。

瀛瀛, 除了你之外, 我也聽過其他人說想download張官方海報, 我已經替你們反映了, TVB.COM的同事做緊嘢喇, 相信你地的願望好快可以達成。

seasonch,數432那位係場務, 我地通常叫佢地做FM哥哥或者FM姐姐, FM即係Floor Manager,在錄影廠進行甚麼拍攝工作, 他們最清楚。

selinasu, 今次沒有用太多廣東口語的文字寫, 希望你會明白。

講起欣欣, 拍攝那段找老總簽名的戲時她的確撞了好幾次,看見欣宜為她打那個枱角就叫人覺得啼笑皆非了, 不過亦可見欣宜對欣欣的關心。另外, 欣欣在上周末已順利進行右眼手術, 關心她的朋友也可鬆一口氣呢!

唔好意思, 幾日無同大家報料, 因為想搵啲片俾大家睇吓, 卒之我搵到條食飯片, 都幾有趣架。
其實個劇的食飯戲真係幾多架, 排戲嗰陣, 班演員個個都好認真, 認真咁扮食呀!不過到正式, 佢地仲認真, 係認真咁分餸同食飯。起初拍食飯戲, 班演員都只係係咁意扮食少少, 不過近來就越食越起勁, 甚至有爭餸食的情況出現。
有時喺上午拍食飯戲都幾好架, 好似毛姐咁, 佢話之前都係食少少, 到放飯時再正式食, 但現在熟習了拍攝程序, 加上知道道具部手足準備的道具餸不但真材實料, 而且仲好衞生, 所以她也會認真的食, 就像拍片中那場戲當日, 毛姐話佢食咗一碗飯同成碟肉餅, 於是她就可以偷出午飯時間休息一下, 感覺也輕鬆不少。

Hi, ShireenYuna, English? Little bit啦, 不過因為我地係中文網站, 所以基本上我都係會以中文寫呢個PA手記。但係都歡迎你用英文留言架。

107eatingflv