tvb.com

 
 
   
tvb.com
 
 

網誌日期:2011.09.09 (五) 4:23PM

Laughing、跛CoMadam Jo、可可、鞏Sir、立青、辣薑……這些角色隨著劇集快要終結,將會成為過去式,有人可能永遠記得,亦有人會慢慢淡忘。角色設計是否成功及吸引,就由觀眾自己來評分吧!

Laughing的成功,潛行狙擊的成功,都不是單一人士的功勞,創作、拍攝、後期製作、宣傳、媒體等等,都有出過一分力,沒有大家,就沒有這些好角色及好劇集!

創作過程有「橋如泉湧」的一刻,亦有「思路閉塞」的日子,有開心,有爭拗,有落淚,有通宵達旦……一幕幕情景湧現,點滴心頭。猶幸,身邊有志同道合的編劇同事,一直守望相助,任勞任怨,守著編劇的底線,給予無限支持,實在無言感激,謝謝!

回首向來蕭瑟處,也無風雨也無晴。

我們,在晴朗的一天出發,繼續努力,創作更多好的劇本!

PS.也要多謝莊偉建監製,為我們爭取了這個平台,讓我們可以在這裡與觀眾交流及接受批評。當然,還要多謝他容忍我們的「創作不力」……

網誌日期:2011.09.09 (五) 12:52PM

破案?被發現?死?唔死?

 

喺觀眾腦入面,應該有無數個問題。究竟係咪好似網上流傳咁,Madam Jo最終被殺?鞏Sir係終極卧底?Laughing做咗警魔?

 

華仔當然睇過結局,亦當然唔可以爆畀大家聽,唯一可以講嘅,係網上消息不可盡信,大結局一定令你哋緊張之餘,亦有太多估唔到嘅地方!

 

好喇,再講落去,華仔會忍唔住爆埋個結局出嚟架喇!想知道各人下場,記得記得記得,今晚八點半一定要坐定定係電視前面,睇兩個鐘頭大結局啦!

 

網誌日期:2011.09.08 (四) 12:03PM

玩咗六個星期,隨住《潛行狙擊》大結局,有獎問答遊戲都會喺聽晚結束喇。今次嘅獎品係Laughing喺劇入面戴過嘅電單車手套,華仔睇過實物,戴上手真係好型架!想要就唔好等喇,快啲參加啦!截止時間係九月九日晚上十一時五十九分。

 

遊戲詳情及參加辦法:http://programme.tvb.com/drama/livesofomission/game/