tvb.com

 
 
   
tvb.com
 
 

網誌日期:2012.05.18 (五) 3:00PM




今晚終於黎到《拳王》既大結局啦, 多謝大家呢個月黎既支持先。而我PA阿恆都想係呢度透露少少野俾大家聽聽, 一班演員之所以打得咁有板有眼, 要多得一班真正既泰拳手既專業指導同訓練, 另外, 我地平時係擂台上見到其他拳手俾拾一,家成同阿力打到飛起既, 亦都係由真正既泰拳手協力扮演架, 所以話呢套劇既真實感係非常之高架呢, 係度要再多謝一次香港泰拳理事會既仗義幫忙先。

網誌日期:2012.05.17 (四) 12:00PM



你睇下呢場戲, 我地拍得好認真架, 一點都唔馬虎, 準備晒假血警察叔叔咁。但係呢度其實我想講既係兩位演員囉, 因為係前一分鐘, 浩然同詩詠先有傾有笑, 即使詩詠訓係地度位時都仲同浩然傾緊點演好, 但一正式埋位既時候, 兩個人即刻上身(其實最主要都係浩然一個), 馬上收起笑容, 情緒話黎就黎, 浩然仲喊到豬頭咁添, 認真厲害。

網誌日期:2012.05.16 (三) 10:30PM



好逑死左, 究竟係假定係真? 警方打得黎, 唔通仲有假既咩, 但係好逑好地地做乜無端端會突然死左架? 好逑屍首仲留到成頭血攤左係條後巷到, 會唔會係劫殺, 姦殺定係被寶琪陷害呀, 係邊一個咁忍心殺死左個良好市民呀?

死者已矣, 家成同國龍唔知點去應付呢個突如其來既虛耗呢, 但點都好, 佢地兩個都有各自既路要走, 又唔知好逑既死會唔會為已離開左正道既家成帶黎一D體會同感受呢。