tvb.com

 
 
   
tvb.com
 
 

網誌日期:2011.06.23 (四) 5:05PM

PA小匹並唔想透露劇情,之不過,而家似乎個個都已經知道,貞貞會喺今晚死。唉,我同好多朋友都好唔捨得,同時都好氣憤,好想知道究竟係邊個衰人殺死佢!

 

有啲朋友問小匹,貞貞死咗,咁我地個網上遊戲咪好唔合理?因為個問題係支唔支持阿釘同貞貞一齊,人都死咗…第一,小匹堅信,愛係跨越生死嘅,就算陰陽相隔,只要個心喺埋一齊,佢地之間仲有愛;第二,正如阿Sam咁講,究竟導演會唔會重拍結局,就真係唔知喇,真係要睇大家想唔想佢地「喺埋一齊」…

 

最後提一提大家,個遊戲聽晚(六月廿四日)大結局後十一點五十九分就結束喇,快啲參加啦!

 

網誌日期:2011.06.20 (一) 4:49PM

上個禮拜提到,今個禮拜係《怒火街頭》嘅結局篇,將會有投票活動,而獎品更加係由Sam李璨琛送出嘅名貴潮人禮物。PA小匹而家開估喇!投票個標題,就係呢篇PA手記嘅標題,至於大家最緊張嘅禮物呢,就係由Sam送出嘅親筆簽名名牌太陽眼睛一副!

 

今次《怒火街頭》嘅收視咁好,究竟大家嘅取向,會唔會好似之前《男親女愛》咁,令到導演拍多個結局,就仲未知。之不過,相信由Sam送出嘅禮物,都足以令大家去投票啦!

 

投票會喺《怒火街頭》大結局當晚(六月廿四日)十一點五十九分完結,快啲參加啦!

 

遊戲網址:http://programme.tvb.com/drama/ghettojustice/game/

 


 

PS.唔該晒網友「txxhk」提醒,截止日期應該係六月廿四日(星期五)^^

網誌日期:2011.06.18 (六) 12:53PM

《怒火街頭》終於去到結局篇喇,PA小匹睇返網上啲留言,大家都對呢套劇評價好好,相信你地都好滿意各個主角嘅表現喇。TVB.COM之前搞咗兩個估兇手遊戲,都吸引咗成千人參加,真係令小匹好感動,希望大家繼續支持啦!小匹喺度預告,下個星期將會有個投票,將會繼續有獎品,而且,今次獎品價值不菲,係由Sam李璨琛送出嘅潮人嘢,想知係乜,記得Keep住睇PA手記啦!

 

臨到尾聲,小匹將啲私藏花絮照放晒出喇啦!