tvb.com

 
 
   
tvb.com
 
 

網誌日期:2011.04.15 (五) 5:23PM

《女拳》終於去到尾聲喇!PA小華都準備功成身退,不過當然,全套劇嘅高潮位,將會喺最尾嘅大結局。三水由一個善良嘅水煲仔,變成勾結日本人嘅漢奸,究竟佢會改邪歸正,抑或繼續做壞人呢?

 

大結局之前,小華放晒未公開嘅劇照畀大家睇啦!大結局將會喺嚟緊星期日,夜晚九點正到十一點九,足足播近三個鐘,記得擔定凳仔,唔好走開喇!

 

網誌日期:2011.04.08 (五) 6:13PM

PA小華喺網上睇到,有網友話羅樂林一日死咗五次,當然就唔係講佢真人啦,講緊佢喺五套劇嘅角色,竟然喺廿四小時內死晒!

 

小華嘅同事都好佩服網友嘅「磨擦力」(觀察力),所以即刻走咗去搵樂林叔,等佢回應吓。佢就好多謝網友支持,雖然自己唔識用電腦,但佢個乖女就不斷報告畀佢聽網上嘅野,仲話好擔心添。樂林叔從影咁多年,當然就睇化晒啦,仲掉返轉頭安慰囡囡添!

 

sequence-1-flash9-640×360-16×9

網誌日期:2011.04.01 (五) 2:51PM

嘩!PA小華今朝早一Check E-mail,答問題攞Poster嘅信塞滿晒成個信箱,唔知係咪畀璇美人嗰把咁甜美嘅聲線吸引到呢?不過,Poster就只有五張,惟有抽籤決定幸運兒啦。今次中唔到獎嘅朋友,繼續留意PA手記啦,相信你哋下次一定中嘅!

 

以下五位幸運兒,各可得到《女拳》各主角簽名海報一張,我哋會盡快將海報寄到府上喇,恭喜晒!

 

蔡家玲
尹啟榮
鄭韻婷
Luk Hiu Yee
張樂兒