tvb.com

 
 
   
tvb.com
 
 

網誌日期:2011.02.02 (三) 11:47AM

肥馨聽啲長輩講,話如果見到有人夢遊,千祈唔好拍醒佢,因為咁會拍走佢哋嘅靈魂。肥馨一直深信不疑,免得害咗人啦。不過,丁醫生係《仁心解構》入面講到,原來呢個只不過係誤傳,夢遊嘅人被拍醒係唔會有問題嘅。不過,醫生都講到,其實拍醒夢遊嘅人,並唔係最好嘅方法,至於咩係最好嘅方法,自己睇片啦!

 

點解會無端端講夢遊?有留意《仁心解碼》嘅朋友,都知主角子珊係有夢遊症。今次睇完子珊嘅演出,加上醫生嘅講解,相信各位對夢遊都會更加了解架喇。

 


>>>>>按圖播片<<<<<

網誌日期:2011.02.02 (三) 11:42AM

強迫症究竟係乜呢?未睇《仁心解碼》之前,淨係聽個名,又真係唔係好清楚。不過,睇完曹永廉嘅演出,相信各位觀眾都清楚好多喇。今集嘅《仁心解構》,正正係講呢個病。根據丁醫生所講,原來強迫症患者有好多特徵,有啲人會不斷洗手,洗好多次都覺得唔乾淨;有啲人就沖涼都要搞好耐,又要先疊好啲衫褲毛巾,沖幾個鐘都未搞掂。丁醫生更加講到,原來足球員碧咸都可能患咗強迫症架。

 

喺《仁心解構》入面,曹永廉自己發明咗個方法嚟醫強迫症,究竟係咩方法,又Work唔Work?問醫生啦!

 


>>>>>按圖播片<<<<<

網誌日期:2011.01.28 (五) 2:51PM

《仁心解構》出咗第二集喇,今次主角係大肥妹家碧(楊秀惠)。睇佢嘅身型,大家都知今次丁醫生會講解「暴食症」。肥馨一路都以為,暴食症患者嘅身型,一定好似肥馨咁龐大,不過丁醫生解釋,原來「暴食」,就唔一定係大肥妹大肥仔,仲可能係好瘦添。究竟點解,而暴食症係乜嘢、點醫呢?快啲睇《仁心解構》第二集啦!

 

>>>>>按圖播片<<<<<