嘩!觀眾實在好眼利!

 

琴晚嗰集,阿峯遊說Bobby搵唐經天做替死鬼時,佢哋後面出現咗「臨豐街」嘅路牌。先播完無耐,阿耀已經喺網上見到有人貼咗張圖出嚟,實在係非常眼利喇!

 

有啲網友問,個路牌係咪道具嚟,只係導演嘅小玩意。阿耀真係覺得好好笑,雖然幕後工作人員個個都好細心,但呢個路牌係真架!咁究竟「臨豐街」喺邊度?其實阿耀都成日經過,就係九龍灣某個紅色外牆嘅商場嘅正門嗰條街喇,如果唔知邊度嘅朋友,可以上網查下架。

 

至於喺臨豐街取景,係特登安排抑或巧合,阿耀只可以話,兩者都有啦!

 

臨豐喺林峯街拍劇……喔,講錯咗,係「林峯喺臨豐街拍劇」。